Blog

छात्रामाथि दुर्व्यवहार गरेको आरोप लागेपछि  सुन्दरहरैँचा नगरपालिका–१० स्थित सुकुना माध्यमिक विद्यालयका दुई शिक्षक र एक सवारी चालक पक्राउ परेका छन्।

जिल्ला प्रहरी कार्यालय मोरङ र इलाका प्रहरी कार्यालय बेलबारीको संयुक्त टोलीले सोमबार बिहान विद्यालयका सवारी चालक ४० वर्षीय प्रदीप भट्टराई, ३० वर्षीय शिक्षक किशोरलाल गच्छदार र ३५ वर्षीय शिक्षक अबिरल मास्केलाई पक्राउ गरेको हो।

मोरङ प्रहरीका सूचना अधिकारी प्रहरी नायब उपरीक्षक मकेन्द्रकुमार मिश्रका अनुसार विद्यालयका केही छात्रालाई मोबाइलमार्फत व्यक्तिगत तथा अश्लील सन्देश पठाउने, परीक्षामा उत्तीर्ण गराइदिने प्रलोभन देखाउने तथा अमर्यादित व्यवहार गरेको भन्ने उजुरीका आधारमा उनीहरूलाई नियन्त्रणमा लिइएको हो। प्रहरीले घटनामा छात्रामाथि यौनजन्य दुर्व्यवहारसमेत भएको हुनसक्ने आशंकामा अनुसन्धान गरिरहेको जनाएको छ।

डीएसपी मिश्रले घटनाको वास्तविक प्रकृति र संलग्नताको अन्तिम निष्कर्ष अनुसन्धानपछि मात्रै खुल्ने बताए। अनुसन्धानका क्रममा अन्य व्यक्तिको संलग्नता पुष्टि भए कानुनबमोजिम कारबाही गरिने उनले जानकारी दिए।

घटनापछि विद्यालयमा विद्यार्थीहरूले विरोध प्रदर्शनको तयारी गरेका थिए। सम्भावित तनावलाई ध्यानमा राख्दै विद्यालय परिसरमा प्रहरी परिचालन गरिएको थियो। विद्यार्थी र अभिभावकले घटनाको निष्पक्ष छानबिन गरी दोषीमाथि कडा कानुनी कारबाही गर्न माग गरेका छन्। घटनाका सबै पक्षको अनुसन्धान जारी रहेको र प्रमाणका आधारमा दोषी ठहर हुने जोसुकैमाथि कानुनअनुसार कारबाही गरिने प्रहरीले  जनाएको छ।

अर्जेन्टिनालाई १-० ग्ललेहराउँदै स्पेनले फिफा विश्वकप २०२६ को उपाधि जितेको छ ।

अमेरिकाको न्युयोर्कस्थित न्यु जर्सी स्टेडियममा भएको फाइनल खेलमा अर्जेन्टिनालाई पराजित गर्दै स्पेनले १६ वर्षपछि विश्वकपको उपाधि जितेको हो ।

स्पेनलाई उपाधि जिताउन फेरान टोरेसले गरेको गोल नै पर्याप्त बन्यो । टोरेसले खेलको १०६औं मिनेटमा स्पेनका लागि गोल गर्दै अग्रता दिलाएका थिए ।

निर्धारित ९० मिनेटमा दुवैतर्फबाट गोल हुन नसकेपछि खेल अतिरिक्त समयमा धकेलिएको थियो । अतिरिक्त समयको दोस्रो हाफको सुरुवातमै स्पेनले अग्रता लियो ।

निर्धारित समयको अन्तिम समयमा एन्जो फर्नान्डेजले दोहोरो पहेँलो कार्ड पाउँदै मैदान बाहिरिएपछि अर्जेन्टिना १० खेलाडीमा सीमित भएको थियो ।

मोरङको लेटाङ नगरपालिकाले उन्नाइसौँ नगरसभाबाट स्वीकृत आर्थिक वर्ष २०८३/८४ को नीति, बजेट तथा कार्यक्रम सार्वजनिक गर्दै विभिन्न क्षेत्रका दर्जनौं  व्यक्ति तथा संस्थालाई सम्मान गरेको छ।
कोशी प्रदेश सरकारका आन्तरिक मामिला तथा कानुन राज्यमन्त्री उमाकान्त गौतमको प्रमुख आतिथ्यता र नगरप्रमुख भूपेन्द्रकुमार लावतीको अध्यक्षतामा सम्पन्न कार्यक्रममा दर्जनौ ब्यक्तिहरुलाइ सम्मान गरिएको हो ।कार्यक्रममा पुर्व उपसभामुख डा. शिवमाया शिवमाया तुम्बाहाम्फे, पुर्व सांसद घनश्याम खतिवडा विशेष अतिथि थिए ।
कार्यक्रममा शिक्षा, खेलकुद, कृषि, सहकारी, सामुदायिक वन, व्यवसाय, पत्रकारिता तथा सामाजिक र राजनीतिक क्षेत्रमा योगदान पुर्‍याएका व्यक्ति तथा संस्थालाई पुरस्स्कृत तथा सम्मानित गरिएको छ ।
नगरपालिकाले आफ्नो १९ औ नगर सभाका कार्यक्रम सार्बजनिकिकरण कार्यक्रमका अवशरमा पूर्व जनप्रतिनिधितर्फ घनश्याम खतिवडा, उपेन्द्र प्रसाद घिमिरे, चन्द्रप्रसाद गौतम, गोविन्दहरि श्रेष्ठ, नरसिंहबहादुर राई, विनोद लामीछाने मगर, तीर्थबहादुर लिभाङ लिम्बु, सेरमान तामाङ, साहेवसिंह लिम्बु, बुद्धिमान लिम्बु, ठेकाजित राई र डिल्लीमान तामाङ सम्मानित भएजा छन् ।
नगरपालिकाले नगर क्षेत्रका क्रियाशील पत्रकाहरु र प्रशान्त निरौला, रेवतीरमण निरौला, हरि कोइराला, विकास आचार्य, सुरेश अधिकारी, अर्जुन लिम्बु, मनिषा भण्डारी, भूमिका पाख्रिन, दिव्यसुस्तरी चेम्जोङ, शेखर पोख्रेल र सङ्गीता राईलाई सम्मान गरेको छ ।
सोही अबस्थामा खेल क्षेत्रबाट भलिबल खेलाडी रबिन गौतम, फुटबल खेलाडी सागर विश्वकर्मा र कराते खेलाडी नविन विश्वकर्मा नगदसहित सम्मानित भएका छन् । त्यस्तै लेटाङ भलिबल क्लब, लेटाङ फुटबल क्लब र लेटाङ सितेरियो कराँते डोजो लाई संस्थागत सम्मान गरिएको छ ।
दीर्घसेवा शिक्षक तथा विद्यालय कर्मचारीतर्फ सेवानिवृत्त शिक्षक पूर्णबहादुर श्रेष्ठ, श्यामलाल चौधरी, बेदनिधि अधिकारी, धनकुमारी लिंखा राई, गंगाप्रसाद सुवेदी, हरिप्रसाद धिमाल, खेमप्रसाद पौडेल तथा विद्यालय कर्मचारी असारसिंह राईलाई सम्मान गरेको छ ।कार्यसम्पादन र व्यवस्थापनमा उत्कृष्ट सामुदायिक विद्यालयका रूपमा बालविकास आधारभूत विद्यालय, लेटाङ–१ सम्मानित भएका छन् ।नगरपालिकाका उत्कृष्ट कर्मचारीका रूपमा अधिकृतस्तरका सुदीप घिमिरे र सहायकस्तरका रवि सुवेदीलाई नगदसहित सम्मान गरिएको छ ।
त्यस्तै शैक्षिक उपलब्धितर्फ एसईई र कक्षा ८ मा उत्कृष्ट जीपीए ल्याउने विद्यार्थी तपन आचार्य, सेसेफुङ वनेम लिम्बु, केलसाङ डोल्मा तामाङ, कुन्साङ योञ्जन तामाङ, रोनस दाहाल, सेलिना आचार्य, प्रथम श्रेष्ठ, सजिना सुवेदी, पेमाजङ तामाङ, निछाम वनेम लिम्बु, राघव पौडेल, कञ्चन लामा तामाङ र समिम राईलाई सम्मानित गरिएको छ ।

।

“एम्बाप्पे पराजित भए। स्पेन फाइनल पुग्यो। तर त्यो खेल सकिएसँगै मेरो मन भने चार वर्ष पछाडि—कतार विश्वकप २०२२ का ती अविस्मरणीय दिनहरूमा पुग्यो।”

स्पेनसँगको हारले किलियन एम्बाप्पेको विश्वकप यात्रा समाप्त भयो। करोडौँ समर्थकका लागि त्यो केवल एउटा खेलको नतिजा थियो, तर मेरो लागि त्यो क्षणले विश्वकपको अर्को पाटो सम्झाइदियो—जहाँ मैदानभित्र खेलाडीहरू इतिहास लेखिरहेका हुन्छन् भने मैदानबाहिर हजारौँ स्वयंसेवक र श्रमिकहरूले त्यो इतिहास सम्भव बनाइरहेका हुन्छन्।

त्यही क्षण मेरो मन फेरि कतारका भव्य रंगशालाहरू, हजारौँ समर्थकहरूको उत्साह र स्वयंसेवकको पोशाकमा जिम्मेवारी निभाइरहेको आफ्नै यात्रातर्फ फर्कियो।

सन् २००६ मा कतारमा सम्पन्न १५औँ एसियन खेल देखि सुरु भएको मेरो स्वयंसेवक यात्रा विभिन्न खेलकुद तथा सामाजिक अभियान हुँदै Lusail Super Cup र अन्ततः FIFA World Cup Qatar 2022 सम्म आइपुग्यो। यो यात्रा मेरो लागि केवल एउटा अनुभव होइन, संघर्ष, अवसर, श्रम, पहिचान र आत्मसम्मानको कथा हो।

कतारमा रोजगारीका लागि पुगेको एक साधारण नेपाली भएर पनि अन्तर्राष्ट्रिय खेलकुद कार्यक्रमहरूमा स्वयंसेवकका रूपमा सेवा गर्ने अवसर पाउनु मेरो जीवनको सबैभन्दा ठूलो उपलब्धिमध्ये एक हो। आफू कार्यरत प्रतिष्ठित कम्पनीको सहयोग र FIFA Qatar प्रति म सदैव आभारी छु।

FIFA World Cup Qatar 2022 मा म केवल दर्शक थिइनँ, स्वयंसेवक थिएँ। विभिन्न रंगशालामा दर्शक व्यवस्थापन, सूचना प्रवाह र सेवा समन्वयको जिम्मेवारी निभाउँदै मैले विश्वकपलाई अत्यन्त नजिकबाट अनुभव गर्ने अवसर पाएँ।

विश्वभरबाट आएका समर्थकहरूको उत्साह, राष्ट्रिय गानको गुञ्जन, विश्वप्रसिद्ध खेलाडीहरूको आगमन र स्वयंसेवकको परिचयपत्रसहित जिम्मेवारी निभाइरहेको आफ्नै उपस्थिति—यी सम्झनाहरू आज पनि उत्तिकै जीवन्त छन्।

आज FIFA World Cup 2026 ले फेरि संसारलाई एउटै भावनामा बाँधिरहेको छ। नयाँ पुस्ताका प्रतिभाशाली खेलाडीहरू उदाइरहेका छन्, पुराना महान् खेलाडीहरूले आफ्ना अन्तिम विश्वकपका सम्झनाहरू बनाइरहेका छन्। तर विश्वकप हेर्दा मेरो मन अझै पनि कतार २०२२ मै पुग्छ।

यद्यपि एउटा कुरा अझै परिवर्तन भएको जस्तो लाग्दैन।

अमेरिका, क्यानाडा वा युरोपमा बसेर विश्वकप हेर्ने नेपालीको अनुभवलाई हामी सहजै सम्मान गर्छौँ। तर कतारमा बसेर विश्वकप सफल बनाउन स्वयंसेवक, श्रमिक, सुरक्षाकर्मी, होटल तथा सेवा क्षेत्रमा खटिएका हजारौँ नेपालीहरूको योगदान धेरैपटक ओझेलमा पर्छ।

समस्या देशको होइन, हाम्रो सोचको हो

कतार विश्वकप २०२२ केवल खेलाडीहरूको सफलता थिएन। त्यसको सफल आयोजनामा नेपालीहरू पनि श्रमिक, स्वयंसेवक, सुरक्षाकर्मी, सेवा प्रदायक र व्यवसायीका रूपमा महत्त्वपूर्ण भूमिकामा थिए। रंगशाला, मेट्रो, होटलदेखि व्यवस्थापनका धेरै तहसम्म नेपाली श्रम र समर्पण जोडिएको थियो।

म गर्वका साथ भन्न सक्छु—

“म FIFA World Cup Qatar 2022 को स्वयंसेवक थिएँ। मैले विश्वकपलाई केवल हेरेको होइन, त्यसको सफलतामा आफ्नो सानो तर अर्थपूर्ण योगदान पनि दिएको थिएँ।”

आज मेरो समाजसँग एउटै प्रश्न छ—

नेपालीको उपलब्धिको मूल्य उसको ठेगानाले निर्धारण गर्ने हो, कि उसको योगदानले?

यदि विकसित देशमा बसेर विश्वकप हेर्ने अनुभव सम्मानयोग्य छ भने कतारमा बसेर विश्वकप सफल बनाउन योगदान दिने नेपालीहरूको अनुभव पनि त्यत्तिकै सम्मानयोग्य हुनुपर्छ।

किनभने पसिना जहाँ बगे पनि श्रमको मूल्य एउटै हुन्छ। अवसर जहाँ पाए पनि गौरव एउटै हुन्छ।

मेरो लागि FIFA World Cup Qatar 2022 केवल एउटा खेल प्रतियोगिता थिएन। त्यो मेरो संघर्ष, श्रम, पहिचान, जिम्मेवारी र आत्मसम्मानको अविस्मरणीय अध्याय थियो।

विश्वकप मैदानमा खेलाडीहरूले जित्छन्, तर त्यसलाई सफल बनाउने हजारौँ अदृश्य हातहरू पनि त्यत्तिकै सम्मानका हकदार हुन्छन्।

मान्छेको मूल्य उसको देश, ठेगाना वा हैसियतले होइन, उसको योगदान, अनुभव र संघर्षले निर्धारण हुनुपर्छ। यही सोच बदलिनु नै हाम्रो समाजको सबैभन्दा ठूलो जित हुनेछ।

जय फुटबल। जय नेपाली श्रम।

लेटाङ नगरपालिकाले सहकारी संस्थाहरूबाट लिएको ऋणको किस्ता र ब्याज रकम समयमै चुक्ता गर्न नगरवासी तथा ऋणी सदस्यहरूलाई विशेष आग्रह गरेको छ।

नगरपालिकाले आज (असार ३० गते) एक सूचना जारी गर्दै सहकारी क्षेत्रमा देखिएको वर्तमान संकट र ऋणीहरूको दायित्वबारे ध्यानाकर्षण गराएको हो।

जारी सूचनामा सहकारी संस्थाहरू सहकारीकै सदस्यहरूको सामूहिक हितमा केन्द्रित हुनुपर्ने उल्लेख छ। सहकारीमा सदस्यहरूले जम्मा गरेको बचत रकम नै अन्य सदस्यहरूलाई ऋण स्वरूप लगानी गरिने भएकाले ऋणीहरूले समयमा सावाँ र ब्याज बुझाउनुपर्ने नगरपालिकाले प्रष्ट पारेको छ।

समयमा ऋण नतिर्दा बचतकर्ता मारमा
नगरपालिकाका अनुसार ऋणी सदस्यहरूले समयमै आफ्नो दायित्व पूरा नगर्दा सहकारीहरूलाई अन्य सर्वसाधारण सदस्यहरूको बचत रकम फिर्ता गर्न गम्भीर समस्या उत्पन्न भएको छ। यसले गर्दा सहकारी क्षेत्रमा थप जटिलता सिर्जना हुन पुगेको सूचनामा उल्लेख छ

बेलबारी नगरपालिकाको नगरसभाको १९औँ अधिवेशन सम्पन्न भएको छ ।

नगरपालिकाको सभाहलमा  सोमबार आयोजित नगरसभाको तेस्रो बैठकबाट  आगामी आर्थिक वर्षका योजना तथा बजेट पारित गर्नुका साथै शिक्षा र सामुदायिक विकासमा उल्लेखनीय योगदान पुर्‍याउने विद्यार्थी तथा टोल विकास संस्थाहरूलाई सम्मान एवं पुरस्कृत समेत गरेको छ ।

नगरसभाबाट बजेटमाथि छलफल तथा पारित गर्दै विभिन्न नीति, योजना  अनुमोदन गरिएको छ । नगरसभाले विकास निर्माण, सुशासन, शिक्षा तथा समुदायमा आधारित विकासलाई थप प्रभावकारी बनाउने प्रतिबद्धता गरेको छ ।

सो अबसरमा माध्यमिक शिक्षा परीक्षा (एसईई) २०८२ मा ४ जीपिए नतिजा हासिल गरेका दुई जना विद्यार्थीलाई २५ हजार नगदसहित सम्मान गरिएको छ । सम्मानित हुनेहरूमा ईष्ट्रन भ्यू इङ्ग्लिस स्कुल, बेलबारी-१० का विद्यार्थी निशान विष्ट र शिक्षा सन्देश इङ्ग्लिस स्कुल, बेलबारी-२ का निश्चल लामिछाने छन् ।

नगरसभाले आर्थिक वर्ष २०८२/०८३ को मूल्याङ्कनका आधारमा उत्कृष्ट टोल विकास संस्थाहरूलाई सम्मानसमेत गरेको छ । बेलबारी नगरपालिका टोल विकास संस्था सञ्चालन कार्यविधि, २०७९ को दफा ९ अनुसार गरिएको मूल्याङ्कनमा उत्कृष्ट ठहरिएका संस्थाहरूलाई सम्मानपत्र प्रदान गरिएको हो ।

मूल्याङ्कनमा बेलबारी-३ स्थित खानेपानी टोल विकास संस्था प्रथम घोषित भएको छ । संस्थालाई तीन लाख रुपैयाँ बराबरको योजना तथा कार्यक्रमसहित सम्मानपत्र प्रदान गरिएको नगरपालिकाले जनाएको छ ।

यस्तै, बेलबारी-२ को सिंहदेवी टोल विकास संस्था उत्कृष्ट द्वितीय घोषित भएको छ । उक्त संस्थालाई एक लाख रुपैयाँ बराबरको योजना तथा कार्यक्रमसहित सम्मानपत्र प्रदान गरिएको छ ।

त्यसैगरी बेलबारी-७ को दौलतपुर कालिस्थान टोल विकास संस्था उत्कृष्ट तृतीय घोषित भएको छ । संस्थालाई पनि एक लाख रुपैयाँ बराबरको योजना तथा कार्यक्रमसहित सम्मानपत्र प्रदान गरिएको नगरपालिकाले जनाएको छ ।

सम्मानपत्रमा प्रमुख प्रशासकीय अधिकृत सञ्जयबहादुर राजलक्ष्मी, नगर उपप्रमुख नितु थापा कोइराला तथा नगर प्रमुख दिलप्रसाद राईको हस्ताक्षर रहेको छ ।

केराबारी गाउँपालिकाले  विभिन्न वडाका योजनाहरुको अनुगमन गरेको छ ।

उपाध्यक्ष  मनमाया मगरको  संयोजकत्वमा अनुगमन समितिका पदाधिकारी, जनप्रतिनिधि, प्राविधिक कर्मचारी, सम्बन्धित वडाका प्राविधिक तथा कर्मचारी  लगायतको उपस्थितिमा वडा नम्बर ३, ४, ५, ७, ९ र १० का बिभिन्न योजनाहरुको अनुगमन गरिएको  थियो ।

अनुगमन भएका योजनाहरुमा वडा नं ३ को ३ को रामपुर सडक स्तरोन्नति, निर्माणधिन माङहिम, वडा नं ४ को वडा कार्यालय ट्रष्ट निर्माण, याम्फु संग्राहलय भवन निर्माण प्रयोजनार्थ स्थान व्यवस्थापन, टाकुरे लिफ्टिङ सिचाई, वडा नं ५ को सावित्री मा. बि. बिधालय भवन निर्माण , राजारानी सडक स्तरोन्नति अन्तरगत ड्रेन तथा ग्याबिन जाली निमार्ण, प्रगति चोक सडक खण्ड आर.सि.सि. कलभर्ट निर्माण आदि छन्  । अनुगमन टोलीले  नं ७ को श्री:कल्याणेश्वर महादेव मन्दिर निर्माण, वडा नं ८ को हजारबिघा टोलमा हयुम पाईप सहित कल्भर्ट निर्माण, वडा कार्यालय भवन मिटिङ हल निर्माण, बाटोघरे मार्ग र खोरिया मार्ग एजिङ, वडा नं ९ को बेलचौरी खानेपानी डिपबोरिङ निर्माण, बुद्ध मा. बि. छात्रा सौचालय निर्माण, अन्त्येश्टी घाट घाट / शौचालय  को  पनि अनुगमन गरेको छ ।

अनुगमन भएका अन्वय योजनाहरुमा डा नं १० को बसपार्क ब्यवस्थापनको लागि सुकुना पैनी ब्यवस्थापन, खदम मुक्तिघाट्मा पानी टयाङ्की निर्माण, गैरिटोल पुर्व पश्चिम सडक एजिङ, हिमाल चोक पुर्व दक्षिण मदन भण्डारी राजमार्ग सम्म सडक ड्रेन / एजिङ र विभिन्न स्थानको बाटो ग्राभेल तथा स्तरोन्नति आदि छन ।

 केराबारी गाउँपालिकाले पालिकाबासीहरुलाई प्रदान गर्ने सेवाका सूचकहरूमा सुधार भएको पाइएको छ । गाउँपालिकाको सार्वजनिक सुनवाई कार्यक्रम अघि सेवाग्राही तथा गाउपालिकाबासी नागरिकहरूसँग लिइएको अभिमतका क्रममा गाउँपालिकाले प्रदान गर्ने सेवाका सूचकहरू राम्रा देखिएका हुन् ।

केराबारी गाउँपालिकाको आयोजना र संयन्त्र मिडिया एण्ड कल्चर प्रालीको सहजीकरणमा भएको दोस्रो सार्वजनिक सुनुवाई कार्यक्रम अघि टोल टोलमा पुगेर नागरिक तथा गाउन्पालिका र वडा कार्यालय आउने सेवाग्राहीहरूसँग  अभिमत  लिइएको थियो। अभिमतमा कर्मचारीहरूको व्यवहार, काममा चुस्त दुरुस्तता, कार्यालयको भौतिक अवस्था, सेवा प्राप्त गर्न अपनाइएको  प्रक्रिया, नागरिक बडापत्र लगायतका विषयमा लिइएको अभिमतमा गाउँपालिकाबासीले सकारात्मक  अभिमत दिएका थिए ।

 गाउँपालिकाले हालै आर्थिक वर्ष २०८२/0८३ को भए गरेका विकास निर्माण एवं सेवा प्रवाह सम्बन्धमा  गाउँपालिकाको हलमा   दोश्रो सार्वजनिक सुनवाई कार्यक्रम गरेको थियो  । गाउँपालिका अध्यक्ष सुमन मिरिङचङ मगर, उपाध्यक्ष मनमाया मगर र प्रमुख प्रशासकीय अधिकृत जयराम श्रेष्ठ, बिभिन्न वडाका वडाध्यक्षहरु लगायतको उपस्थितिमा भएको सार्वजनिक सुनवाई  कार्यक्रममा  वडा कार्यालय ,टोल विकास संस्था, विद्यालय, लगायत विभिन्न संघ संस्थाका प्रतिनिधि तथा राजनीतिक दलका प्रतिनिधिहरू लगायत सर्वसाधारणहरूको समेत उपस्थिति थियो । कार्यक्रममा  गाउँपलिका, वडा कार्यालय तथा पालिका अन्तर्गत विभिन्न कार्यालयबाट भए गरेका सेवा प्रवाह, विकास निर्माण, खर्चको अवस्था आदि बारे जानकारी दिइएको थियो ।

 सार्वजनिक सुनवाई कार्यक्रममा साझेदारी वन उपभोक्ता महासंघका केन्द्रीय सदस्य लालबहादुर बस्नेत, नेपाल आदिवासी जनजाति महासंघ केराबारीका अध्यक्ष प्रेम लावती, केराबारी १० का शान्केतिराम दाहाल, केराबारी ७ का कमल चौलागाई, मच्छिन्द्र माविमा अध्यायनत राज बिक र शर्मिला लिम्बु, केराबारी ९ का चिरन्जीवी खड्का, केराबारी २ सिंहदेवीका लक्ष्मी लिम्बु, केराबारी ६ का मनकुमार तामाङ, खदम क्याम्सपका स्यववियु सभापति समिर कन्दङ्वा केराबारी ८ आमजुँगी का शितल बहादुर बस्तेत लगायतले सिचाई , खानेपानी, शिक्षा, स्वास्थ्य, सामुदायिक वन, खोला ठेक्का, दुर्व्यसनी नियन्त्रण, लगायतको विषयमा प्रश्न गरेका थिए । उठेका प्रश्नहरूको गाउँपालिका अध्यक्ष उपाध्यक्ष र प्रमुख प्रशासकीय अधिकृत लगायत सम्बन्धित शाखाका प्रमुखहरुले जवाफ दिएका थिए ।

सार्वजनिक सुनुवाई कार्यक्रमको सहजकर्ता संयन्त्र मिडिया एण्ड कल्चर प्रा.लि. को तर्फबाट रेवती निरौलाले कार्यक्रम संचालन गरेका थिए ।

मोरङ बेलबारी नगरपालिका–२, मा रहेको  रमिते सामुदायिक वन उपभोक्ता समूहले  सयभन्दा बढी  उपभोक्तालाई इन्डक्सन चुलो वितरण गरेको छ।

स्वच्छ ऊर्जा प्रवर्द्धन तथा वन संरक्षणलाई टेवा पुर्‍याउने उद्देश्यले वन समूहले  आफ्नो कार्यक्षेत्रभित्र रहेका ६० वटा टोल समूहबाट छनोट गरिएका १२० जना उपभोक्तालाई इन्डक्सन चुलो वितरण गरेको हो।

दाउरा तथा अन्य परम्परागत इन्धनको प्रयोग न्यूनीकरण गर्दै  वातावरण संरक्षण, वन संरक्षण तथा जीवन यापनलाई सहज बनाउने उद्देश्यले कार्यक्रम सञ्चालन गरिएको वन समूहका अध्यक्ष खगेन्द्र ओझाले जानकारी दिए ।