हराएको एक हप्तापछि तमोर नदीमा भेटियो केराबारीकी रोजिताको शब

एक हप्ता अघिदेखि वेपत्ता भएकी मोरङ  केराबारी-५ सतिसालेकी २५ वर्षिय रोजिता दाहालको शव तमोर नदिकाे किनारमा फेला परेको छ ।

मूलघाट भन्दा करिब १५ किमि तल सिम्ले भन्ने स्थानमा माझीहरूले बिहीबार रोजिताको शब फेला पारेकाे धनकुटास्थित मूलघाट प्रहरी चाैकीका हवल्दार कुमार कार्कीले बताए ।

दाहाल गत आईतबार विहानदेखि वेपत्ता भएकी थिइन् । बिहान धरान जान्छु भनी घरबाट निस्किएकी उनले  बेलुकापख श्रीमानलाई म्यासेज पठाएर आफु कहिल्यै नफर्किने गरी गएको बताएकी थिइन् । परिवारजनका अनुसार उनले म्यासेजमा आफ्नो मोबाइल र अन्य सामानहरु मुलघाटस्थित तमोर गड्तिरमा रहेको पनि उल्लेख गरेकी थिइन् ।

बेपत्ता महिलाले भने बमोजिम धनकुटाको मूलघाटमा रहेको पुल मुनि तमोर नदिको किनारमा उनको झोला, मोबाइल र पैसा समेत  भेटिएकाे थियाे । उनको शबलाई पोष्ट मार्टमपछि परिवारको जिम्मा लगाइने प्रहरीले जनाएको छ ।