ताजा अपडेट
खानेपानीको समस्याकै कारण बसाइँ सरे संखुवासभाका ४५ परिवार
Uttari Morang
सोमबार, जेठ २०, २०७६
खानेपानीको हाहाकार भएपछि संखुवासभाका ४५ घरपरिवार बसाइँ सरेका छन् ।
खानेपानी अभावकै कारण पाँचखपन नगरपालिका १० चैनपुर नगरपालिकामा १० र धर्मदेवी नगरपालिकामा २५ घरपरिवार बसाइँ हिँडेका हुन् ।
धर्मदेवी नगरपालिकाको ७ र ८ नम्बर वडाबाट मात्रै २५ घरपरिवार बसाइँ सरेका छन् । वडा नम्बर ७ बाट १५ र वडा नम्बर ८ बाट १० घरपरिवार दुई वर्षमा बसाइँ सरेको ७ नम्बरका वडाध्यक्ष भोलामान श्रेष्ठले बताए ।
श्रेष्ठका अनुसार, ७ नम्बर वडाभित्रका कुवापानी, आहाले, मालवासे लगायत गाउँमा खानेपानीको चरम अभाव छ । त्यस्तै, ८ नम्बर वडाका खाल्चे, पाडरे, जागिर गाउँ, कुडुले फापलिङ लगायतका गाउँमा पनि खानेपानीको समस्या छ ।
