सुन्दरहरैंचा सिङ्गिङ आईडल २०७६ हुँदै, तीन सयभन्दा बढी सहभागी हुने अपेक्षा
Uttari Morang
सुन्दरहरैंचा, माेरङ/ स्थानीय प्रतिभालाई प्रवर्धन गर्ने उद्देश्यले सुन्दरहरैंचामा पहिलाे पटक “सुन्दरहरैंचा सिङ्गिङ आईडल -२०७६” संचालन हुने भएकाे छ ।
सुन्दरहरैंचा नगरपालिकामा आइतबार पत्रकार सम्मेलन गरेर आयाेजकले उक्त जानकारी गराएकाे हाे ।
भाद्र १३ गतेबाट छनाैट चरणबाट सुरु हुने यस प्रतियाेगिताकाे फाईनल प्रतियाेगिता भने असाेज ११ गते हुने आयाेजकले जनाएकाे छ ।
प्रतियाेगितामा तीन सयकाे हाराहारीमा सहभागिता रहने आयाेजकले अपेक्षा गरेकाे छ ।
पत्रकार सम्मेलनमा आयाेजक संस्था सुन्दरहरैंचा सास्कृतिक परिवारका अध्यक्ष आनन्द बस्नेतले नगरकै पहिचान जाेडिएकाे यस कार्यक्रमलाई सफल पार्न आफूहरु लागिरहेकाेले सबै तह र तप्काबाट पूर्ण सहयाेगकाे आशा व्यक्त गरे ।
सुन्दरहरैंचा उद्याेग वाणिज्य सङ्घका अध्यक्ष नवराज चापागाईले नगरकै प्रतिष्ठा जाेडिएकाे कार्यक्रम भएकाेले यसलाई सफल पार्न आफूहरुकाे पूर्ण सहयाेग रहने वताए ।
पत्रकार सम्मेलनमा सुन्दरहरैंचा नगरपालिका वार्ड नं १२ का वडाध्यक्ष राेषन ढकाल, सुन्दरहरैंचा नगर कार्यपालिका सदस्य भक्तकिरण राई, कलाकार जेवि थुलुङ लगायतकाे सहभागिता रहेकाे थियाे ।
