बेलबारीमा कोशी प्रदेश स्तरीय दोस्रो मेयर कप ब्याडमिन्टन प्रतियोगिता सुरु

बेलबारीमा कोशी प्रदेश स्तरीय दोस्रो मेयर कप ब्याडमिन्टन प्रतियोगिता सुरु भएको छ ।

बेलबारी नगरपालिका वडा नं. ११ लक्ष्मी मार्ग खेलमैदान परिसरमा रहेको कबडहलमा प्रतियोगिता शुरु भएको हो ।

डाँगीहाट ब्याडमिन्टन क्लबको आयोजनामा शुरु प्रतियोगिताको बेलबारी नगरपालिकाका मेयर दिलप्रसाद राइले उद्घाटन गरेका छन् । मङ्सिर १ गतेसम्म हुने प्रतियोगितामा म्यान्स डबल ओपन, भेट्रान डबल, अन्डर १७ र महिला जोडीमा नगर स्तरीय खेल हुने छ ।

म्यान्स डबल ओपनमा प्रथमले रु.३० हजार, दोस्रोले २० हजार, तेस्रो र चौथोले ७ हजार ५ सय नगद पुरस्कार प्राप्त गर्ने छ । भेट्रान डबलमा प्रथमले रु.२० हजार, दोस्रोले १८ हजार, तेस्रो र चौथोले ६ हजार नगद पुरस्कार प्राप्त गर्ने  ब्याडमिन्टन क्लबका अध्यक्ष बलबहादुर तामाङले बताए ।

अन्डर १७ र महिला जोडीमा नगर स्तरियता पहिलो, दोस्रो, तेस्रो र चौथोले क्रमशः, रु.१० हजार, ७ हजार, ३ हजार र ३ हजार प्राप्त गर्ने छन् । साथै अन्तर सदस्यबिच पनि प्रतिस्पर्धा हुने छ । जस अन्तरगत प्रथमले रु.१५ हजार, दोस्रोले १० हजार, तेस्रो र चौथोले ४ हजार नगद पुरस्कार प्राप्त गर्ने छ ।