महिला प्रतिभा संघ बेलबारीले विभिन्न कार्यक्रमसहित गर्यो २९ औं बार्षिक साधारणसभा 

महिला प्रतिभा संघ बेलबारीले २९ औं बार्षिक साधारणसभा बिभिन्न कार्यक्रमका साथ सम्पन्न गरेको छ ।
बेलबारी १ स्थित आफ्नै भवनमा संस्थाले मंगलबार एक कार्यक्रम गरी २९ औं बार्षिक साधारणसभा सम्पन्न गरेको हो । बेलबारी नगरपालिकाकी उप–मेयर नितु थापा कोइरालाको प्रमूख आतिथ्यतामा भएको साधारणसभामा संंस्थाकी अध्यक्ष सकुन्तला सुवेदीले प्रगति प्रतिवेदन तथा भाबी योजना प्रस्तुत गरेकी थिइन् । संस्थाले गत बर्ष तिज बिषेश कार्यक्रम, किशोरी आत्मरक्षा तालिम लगायतका बिभिन्न कार्यक्रम गरेको र अन्य संघ संस्थाहरुले आयोजना गरेका कार्यक्रममा सहभागिता जनाएको अध्यक्षको प्रतिवेदनमा उल्लेख छ । अध्यक्षकै प्रतिवेदनमा भाबी योजना अन्तरगत महिलाहरुलाइ सिपमूलक तालिम दिने, आत्मरक्षा तालिम सञ्चालन गर्ने, सहयोगी, जग्गादाता तथा मानार्थ सदस्यहरुको फोटोसहितको नाम कार्यालयमा राख्ने उल्लेख गरिएको छ । साधारणसभामा कोषाध्यक्षको अनुपस्थितिमा सचिव कुन्ति गुूरुङले लेखा परिक्षण प्रतिवेदन प्रस्तुत गरेकी थिइन् । साधारणसभाले उषा तामाङलाइ कोषाध्यक्षमा चयन गरेको छ ।
साधारणसभामा संस्थाकी संस्थापक अध्यक्ष मिनु राइ, बेलबारी नगरपालिकाकी कार्यपालिका सदस्य सञ्चमाया लिम्बू, महिला अधिकारका लागि राष्ट्रिय अभियानकी केन्द्रिय सदस्य सिता सुवेदी, बेलबारी वडा नम्बर १ की वडा सदस्य हेमा बि.क., जग्गादाता ताराकुमार राइ, बेलबारी ३ की वडा १ की वडा सदस्य बिमला तामाङ लगायतका अतिथिहरुको उपस्थिति थियो । साधारणसभामा संस्थापक अध्यक्ष तथा मानार्थ एवम् सदस्य मिनु राइ र जग्गादाता ताराकुमार राइ सम्मानित भएका छन् ।
साधारणसभामा बोल्दै संस्थापक अध्यक्ष मिनु राइले महिलाहरु चुलोचौकामा मात्र सिमित हुनुपर्ने अबस्थामा २०५१ सालमा आफूहरुले संस्था स्थापना गरेको र बर्तमान अबस्थामा बिभिन्न संघ संस्था एवम् सरकारी निकायमा समेत महिला अधिक।र र शशक्तिपरण बढेको बताइन् ।
कार्यक्रमलाइ सम्बोधन गर्दै प्रमूख अतिथि बेलबारी नगरपालिकाकी उप–मेयर नितु थापा कोइरालाले अझै पनि महिलाले सहजै नेतृत्व पाउने अबस्था नभएको वताइन् । उनले युवा पुस्ता बाहिरिने क्रम बढेको र निकट भविश्यमा वालवालिका बृद्ध र महिला मात्रै मूलुकमा रहने खतरा बढेकोले नेतृत्व सम्हाल्नका लागि महिलाहरु तयारी अबस्थामा रहनुपर्ने बताइन् ।
संंस्थाकी अध्यक्ष सकुन्तला सुवेदीको अध्यक्षतामा भएको साधारणसभामा सचिव कुन्ति गुूरुङले कार्यक्रम सञ्चालन गरेकी थिइन् । यो संस्थाकै समस्यहरुले एकता वचत तथा ऋण सहकारी संस्था लि. समेत सञ्चालन गर्दै आएका छन् । सो सहकारी समेत एउटै भवनमा सञ्चालन हुँदै आएको छ ।