बेलबारी बहुमुखी क्याम्पसको १६  औं  बार्षिककोत्सव तथा बिदाई कार्यक्रम सम्पन्न 

बेलबारी बहुमुखी क्याम्पसको १६  औं  बार्षिककोत्सव तथा चौथो बर्षका बिधार्थीहरुको बिदाई कार्यक्रम सम्पन्न भएको छ ।
बेलबारी बहुमुखी क्याम्पस, स्वतन्त्र बिधार्थी युनियनको आयोजनामा आइतबार कार्यक्रम भएको हो । कार्यक्रममा क्याम्पस सञ्चालक समितिका अध्यक्ष तथा कोशी प्रदेश सांसद ज्ञानेन्द्र सुवेदीको प्रमूख आतिथ्यता र स्वबियु सभापति सियोम सुवेदीको अध्यक्षतामा भएको बार्षिकोत्सव कार्यक्रममा बिभिन्न संघ संस्थाका प्रतिनिधिहरुको उपस्थिति थियो । कार्यक्रममा क्याम्पस सञ्चालक समितिका कोषाध्यक्ष राजेन्द्र अधिकारी, बेलबारी ३ का वडाध्यक्ष योगेन्द्र प्रसाद सुवेदी लगायतले मन्तब्य ब्यक्त गरेका थिए ।
कार्यक्रममा क्याम्पसमा अध्ययनरत विद्यार्थीहरुले बिभिन्न नृत्य तथा रचनाहरु पनि प्रस्तुत गरेका थिए । कार्यक्रममा स्नातक तह चौथो बर्ष अध्ययन गरिसकेका विद्यार्थीहरुलाइ बिदाइ पनि गरिएको थियो ।
कार्यक्रमका प्रमूख अतिथि कोशी प्रदेश सांसद ज्ञानेन्द्र सुवेदीले पहिले भाडामा सञ्चालन हुन थालेको क्याम्पस सबैको सहयोगका कारण हाल सुबिधासम्पन्न भवनमा सञ्चालन भइरहेको बताए ।
बिक्रम सम्बत २०६५ सालमा स्थापना भएको क्याम्पसमा एक हजार भन्दा बढी बिद्यार्थी अध्ययनरत छन् । हाल क्यापसमा ब्यबस्थापन, मानविकी र शिक्षा संकायको पढाइ हुने गरेको छ । बेलबारी नगरपालिकाको सहयोगमा क्याम्पसले स्नातक तहमा पहिलो बर्ष बिद्यार्थीलाइ १० हजार छुट दिँदै आएको छ ।
बेलबारी बहुमुखी क्याम्पस केही बर्षयता आफ्नै भवनमा सञ्चालन हुँदै आएको छ । क्याम्पसका लागि सरकारले पुरानो बेलबारीमा ४ बिगाह जग्गा उपलब्ध गराएपछि नगरपालिकाको १ करोड, स्थानिय तह पुर्वाधार साझेदार कार्यक्रमको ५० लाख तथा क्याम्पसको ४० लाख बजेट ब्यबस्था भएपछि भवन बनेकोे थियो ।