गाउँ/समाज
सर्पको टोकाइबाट लक्ष्मीमार्गकी रमाको मृत्यु, सर्पदंश उपचार केन्द्रलाई स्तरोन्नति गर्ने सांसद कार्कीको बाचा
Uttari Morang
शनिबार, साउन २३, २०८३
मोरङको बेलबारी नगरपालिका–११ लक्ष्मीमार्गकी महिला रमा घिमिरे देवकोटाको सर्पदंशबाट मृत्यु भएको छ ।
बिहीबार दिउँसो करिब १२:३० बजे आफ्नै घरको भान्सामा काम गरिरहेका बेला सर्पले उनको बायाँ खुट्टामा टोकेको थियो। सर्पकै टोकाइका कारण उनको मृत्यु भएको थियो ।
घटनापछि मोरङ क्षेत्र नम्बर ३ का सांसद गणेश कार्कीले सर्पदंश उपचार केन्द्रको भ्रमण गरेका छन् ।
सर्पले टोकेर बिहिबार मृत्यु भएकी बेलबारी नगरपालिका–११ लक्ष्मीमार्गकी ३० वर्षीया रमा घिमिरे (देवकोटा) को घटनामा दुःख व्यक्त गर्दै सांसद कार्कीले स्थानीय सर्पदंश केन्द्रमा दक्ष चिकित्सक र आबश्यक सामग्रीको लागि आफुले थप पहल गर्ने प्रतिबद्धता व्यक्त गरेका छन ।
