ताजा अपडेट
बेलबारीका बस्नेत प्रेस युनियन मोरङको अध्यक्षमा निर्वाचित
Uttari Morang
बुधबार, भाद्र २४, २०८३
नेपाल प्रेस युनियन मोरङको अध्यक्षमा भोजराज बस्नेत चयन भएका छन् ।
युनियनको मोरङ जिल्ला शाखाको बिराटनगरमा सम्पन्न अधिबेशनबाट संयन्त्र सञ्चार सहकारी संस्था लि. द्वारा संचालित रेडियो बेतनाका अध्यक्ष बस्नेत जिल्ला अध्यक्षमा सर्वसम्मत निर्वाचित भएका हुन् ।
सार्वजनिक गरिएको नामावली अनुसार कार्यसमितिको उपाध्यक्ष पदमा गोपाल प्रसाद पोखरेल, पर्शुराम निरौला, चयन हुनुभएको छ भने महिला उपाध्यक्षमा उषा कुमारी सरदार, निर्वाचित भएका छन् । त्यस्तै, सचिव पदमा सन्तोष कुमार वास्तोला, चयन हुनुभएको छ। सह–सचिवमा अनुज सापकोटा, र अन्जना पराजुली तथा कोषाध्यक्ष पदमा दिलीप कुमार अग्रवाल चयन भएका छन् ।
जिल्ला कार्यसमिति सदस्यहरूमा भोजराज घिमिरे, पुरुषोत्तम कट्टेल, विवेक मेहता, शोभा घिमिरे, अफताब अली, दिपेन्द्र साह, प्रेम पारख, पारस मण्डल, र सुभाष भण्डारी रहेका छन् ।
निर्वाचन समितिका संयोजक अविनाश कुमार निधी तथा सदस्यहरू विकास थापा र बाबुराम निरौलाले दिएको जानकारी अनुसार १७ सदस्यीय नयाँ जिल्ला कार्यसमिति, १३ जना संघीय महाधिवेशन प्रतिनिधि तथा १० जना प्रदेश महाधिवेशन प्रतिनिधिहरूको चयन गरिएको छ ।
केन्द्रीय संघीय महाधिवेशनका लागि मोरङबाट १३ जना प्रतिनिधि निर्वाचित हुनुभएको छ। जसमा शंकर खरेल, हरी प्रसाद कोइराला, अरविन्द कुमार मेहता, मिन कुमार श्रेष्ठ, रोहित कुमार लुइटेल, चुमन बस्नेत, अनन्तराज न्यौपाने, कुमोद अधिकारी, विक्रम निरौला, कमला कँडेल, विनोद भण्डारी, सुशीला पाठक र शेखर रेग्मी रहेका छन् ।
त्यसैगरी प्रदेश महाधिवेशन प्रतिनिधितर्फ १० जना चयन हुनुभएको छ। प्रदेश प्रतिनिधिहरूमा लिलानाथ गच्छदार, वेदराज पौडेल, राजु बस्नेत, टेकेन्द्र अधिकारी, पदम कुमार सरदार, रामकुमार परियार, प्रेम प्रसाद भट्टराई, शम्भु पोखरेल, राजन पोखरेल, र कुमार खड्का निर्वाचित रहेका छन् ।।नवनिर्वाचित सम्पूर्ण पदाधिकारी, सदस्य एवं महाधिवेशन प्रतिनिधिहरूलाई विभिन्न सञ्चारगृह तथा पत्रकार संगठनहरूले बधाई तथा सफल कार्यकालको शुभकामना व्यक्त गरेका छन्।
