केराबारी क्षेत्रका वासिन्दाले नोबेलमा उपचार गर्दा २० प्रतिशत छुट पाउने

केराबारी गाउँ कार्यपालिका र नोबेल मेडिकल कलेज टिचिङ अस्पताल बिराटनगर बिच केराबारी गाउँपालिका क्षेत्रका नागरिकहरुलाई स्वास्थ्य सेवाहरुमा २० प्रतिशत छुट हुनेहरी सम्झौता भएको छ ।

केराबारी गाउँपालिकाकोतर्फवाट उपाध्यक्ष मनमाया मगर, प्रमुख प्रशासकीय अधिकृत जयराम श्रेष्ठज्यू, स्वास्थ्य शाखा प्रमुख टोम प्रसाद चौलागाई, केराबारी पालिका अस्पताल प्रमुख रमेश बहादुर भट्टराई तथा  नोबेल अस्पतालको तर्फवाट महाप्रवन्धक दिपेश राईको उपस्थितिमा बिहीबार अर्थात २०८३ साउन १४ गते सो सम्बन्धी सम्झौता-पत्र आदान-प्रदान सम्पन्न भएको हो ।

यो सुविधा प्रत्यक्ष स्वास्थ्य उपचारसँग सम्बन्धित सेवाहरुमा  २०८४ असार मसान्तसम्म लागु हुनेछ । तर IVF, Plastic Surgery, Cosmetic Surgery लगायतका सेवाहरु, Cabin मा बसेर उपचार गर्दा साथै औषधी र चिकित्साजन्य सामाग्रीहरु (Implant, Surgical items, Consumable items) मा छुट सुविधा लागु नहुने अस्पतालले जनाएको छ ।