अन्तरा म्युजिक सेन्टरले बलियामा गर्यो सांगितिक कार्यक्रम

अन्तरा म्युजिक सेन्टर सुन्दरहरैंचाले प्रथम बार्षिकोत्सव को अबसरमा सांगितिक कार्यक्रम गरेको छ ।
म्युजिक सेन्टरमा संगीत सिकेका विद्यार्थीहरुको प्रस्तुतिमा सुन्दरहरैंचा ४ बलियास्थित ज्येष्ठ नागरिक समाज सुन्दरहरैँचा ४ को भवनमा कार्यक्रम भएको हो ।
अन्तरा म्युजिक सेन्टरका संचालिका शर्मिला सिग्देल र भुमा अधिकारीकै वाद्यबादनमा भएको कार्यक्रममा कसरी म भुलेँ, ए कान्छा ठट्टैमा यो जोवन जान लाग्यो, अल्झेछ क्यारे पछ्यौरी तिम्रो लगायत विभिन्न आधुनिक गीत, राष्ट्रिय गीत तथा भजनहरु प्रस्तुत गरिएको थियो । कार्यक्रममा आरम्भ, एबिस, एल्सन, रचित, रोषिका, सुभांसी, उर्जा, तिलान्जली र ज्येष्ठ नागरिकहरु नगेन्द्र कार्की र राजेन्द्र कोइरालाले आ-आफ्नो प्रस्तुति राखेका थिए ।
भुमा अधिकारीले संचालन गरेको कार्यक्रममा सुन्दरहरैंचा ४ का वडाध्यक्ष कैलास बस्नेतको प्रमुख आतिथ्यता र रामकुमार कालाखेती को अध्यक्षता थियो । कार्यक्रममा साहित्यकार मनु मन्जिल, केपी घिमिरे, कलाकार कृष्ण नेपाल, गायक दुर्गा पराजुली, र संगीत साधना प्रतिष्ठान, इटहरीका प्रतिनिधि लगायत विभिन्न कलाकार,साहित्यकार, श्रष्टा एवम् सर्जकहरुको आतिथ्यता थियो । कार्यक्रममा कवि मनु मन्जिल र संगीत साधना प्रतिष्ठान नेपालका महासचिव राजु केसीले मन्तव्य व्यक्त गरेका थिए ।