बिराटनगरलाई प्रदेश राजधानी बनाइएपछि धनकुटामा फेरि शुरु भो आन्दोलन 

धनकुटा १ नम्वर प्रदेशको राजधानी नबनाएको विरुद्धमा धनकुटामा आज धनकुटा प्रादेशिक राजधानी अभियान समितिको आकस्मिक बैठक वसी भोली बैसाख २४ गते चक्का जाम र राती ब्लाक आउट(बत्ति निभाउने ) कार्यक्रम गर्ने भएको छ ।
धनकुटा प्रादेशिक राजधानी अभियान समितिका संयोजक सुन्दरबाबु श्रेष्ठको अध्यक्षतमा आज बैठक वसी धनकुटको अस्तित्व,पहिचान र इतिहासलाई समाप्त गर्ने कार्य भएकोले धनकुटालाई जिवन्तता प्रदान गर्न र धनकुटको विकास र समृद्धीका लागी भोली बैसाख २४ गते धनकुटामा दिनको १२ बजो देखी १ बजे सम्म चक्का जाम र राती ७ बजे देखी ७.३० बजे सम्म ब्लाक आउट(बत्ति निभाउने कार्यक्रम गर्ने निर्णय भएको अभियान समितिका सदस्य सुजन भाई जोशीले वताउनु भयो ।
धनकुटालाई पुरै समाप्त र मार्ने काम भएकोले आजको दिन धनकुटाको लागी कालो दिन भएकोले धनकुटाबासीले आजको दिन बैसाख २३ लाई कालो दिनको रुपमा लिदै धनकुटालाई जिवन्त बनाउन अव सशक्त र निर्णायक आन्दोलन गर्ने र जव सम्म धनकुटालाई जिवन्तता दिने निर्णय नभए सम्म आन्दोलन नरोकीने अभियान्त तथा नेपाली कांग्रेसका सचिव विजय सन्तोषी राईले वताउनु भयो । धनकुटाको लागी र्दुभाग्य भएको समेत बताउनु भयो ।
भोली देखी आन्दोलन शुरु हुने र आन्दोलनको आधवेहरी ल्याउने समेत अभियान्त तथा नेपाल पत्रकार महासंघ धनकुटका अध्यक्ष राजेश्वर वहादुर श्रेष्ठले वताउनु भयो ।

विजय राई,धनकुटा