बिराटचोकमा एक रुपैयाँमै पाइन थाल्यो चिया, चिया पिउनेहरुको भिड

मोरङ सुन्दरहरैंचास्थित विराटचोकमा १ रुपैयाँ कपमा चिया बेच्न  थालिएको छ ।

सुन्दरहरैचामा रहेको यम बुद्ध क्रिकेट क्लबले धुर्मुस सुन्तली फाउन्डेसन मार्फत निर्माण भईरहेको अन्तराष्ट्रिय क्रिकेट रंगशाला निर्माण सहयोगार्थ एक रुपैयाँमा चिया बेच्न थालेको हो ।

आइतबारदेखि शुरु भई ७ दिनसम्म सञ्चालन हुने अभियानबाट संकलन भएको रकम धुर्मुस सुन्तली फाउन्डेसनलाई हस्तान्तरण गरिने संस्थाका अध्यक्ष सेमन्त खतिवडाले बताए ।
अभियानमा सुन्दरहरैंचाका विभिन्न व्यक्ति तथा संघ संस्थाले थप नगद सहयोग गरेका छन् । कार्यक्रमबाट लाखौं रकम सकंलन हुने अपेक्षा गरिएको छ ।

जाडोको समयमा चिया बढी बिक्री भइ रहेको र उल्लेख्य सहयोग पनि  जुटिरहेकोले अभियानमा साथ दिन आयोजकले सबैमा अनुुुरोध गरेका छन् ।