मोरङका शिक्षकहरुलाइ प्रविधि मैत्री भर्चुअल तालिम दिँदै शिक्षक समाज नेपाल

शिक्षकहरूले दैनिक शिक्षणमा कसरी प्रविधिको प्रयोग गर्न सक्छन्  भन्ने विषयमा प्रविधिमैत्री शिक्षक समाज मोरङले भर्चुअल तालिम सञ्चालन गरेको  छ ।

सामाजिक विकास मन्त्रालय प्रदेश १ को समन्वयमा छनोट भएका १ सय बिद्यालयका शिक्षकहरुको सहभागितामा तालिम संचालन गरिएको हो । बिगत पाँच दिनदेखि सञ्चालन भइरहेको भर्चुअल कक्षा (तालिम) को संयोजन प्रविधिमैत्री समाज मोरङका संयोजक तथा नेल्टा प्रदेश नं. १ का महासचिव चेतनाथ निरौलाले गरेका छन् ।

जुम कनफरेन्स टुल मार्फत् सञ्चालन गरिएको तालिममा सुकुना बहुमुखी क्याम्पसका शिक्षण सहायक तथा प्रविधि तालिमका प्रदेश रोष्टर प्रशिक्षक धर्मकुमारी कालाखेती, हरि पौडेल, टीका ढकाल, लोकबहादुर लिम्बू, देवराज सापकोटा र टंक भट्टराई  प्रशिक्षण दिएका छन्  ।

तालिममा सहभागी सबै स्तरका शिक्षकका लागि मिटिङ आइडी र पासवर्ड हाललाई खुला नै राखिएको तालिम आयोजक प्रविधिमैत्री शिक्षक समाज मोरङले छ ।

शिक्षकको क्षमता स्तर र मागलाई ध्यान दिँदै सञ्चालन गरिएको अ। प्रशिक्षणका लागि प्रविधिको खास क्षेत्रमा रुचि र दक्षता हासिल भएका विशेषज्ञलाई प्राथमिकता दिने, आवश्यक परेको समयमा आफैँ सहभागी हुने, सिक्ने र सिकाउने, अनुभव आदान प्रदान गर्ने पद्धतिबाट कार्यक्रम सञ्चालन गरिएको बताइएको छ ।

आगामी दिनमा यसलाई निरन्तरता दिने  र विद्यार्थीलाई पनि चाडै यो भर्चुअल कक्षा सञ्चालन गर्ने समाजको योजना छ ।

कोरोना महामारीको प्रकोपको समय मा विद्यालयमा हुने शिक्षा ठप्प भएको अवस्थामा प्रबिधियुक्त भर्चुअल कक्षा सञ्चालन गर्नु अति महत्त्वपूर्ण भएको  र यस्तो प्रबिधिबाट शिक्षण कार्यलाई अगाडी बढाउन सकेमा शैक्षिक गुणस्तर वृद्धि  हुने कबीर मावि बेलबारीका शिक्षक तथा प्रविधि मैत्री शिक्षक समाज नेपालका सचिवालय सदस्य छत्रपति दाहालले बताए ।