ग्रहणबारेको अन्धबिश्वास तोड्दै पुर्वका युवा बैज्ञानिकहरु, पुर्वमै आविष्कार केन्द्र खोल्ने योजना

केशु विरही, बेलबारी, माेरङ/ सुर्य ग्रहण र चन्द्र ग्रहणबारे अन्धधबिश्वाश र भ्रम चिर्ने उद्देश्यले साइन्स टिचर्स एशोसिएसन अफ नेपाल (स्टान) को १ नम्बर प्रदेश समितिले आइतबार सुरक्षित सुर्य ग्रहण अबलोकन सहितको सचेतनामुलक कार्यक्रम गरेको छ । 

बिज्ञानले सूर्य चन्द्रमा र पृथ्वी एउटै सरल रेखामा आईपुग्दा एउटा पिण्डले सूर्यकाे प्रकाशमा अवराेध हुँदा हुने प्रकृया नै ग्रहण हाे भन्ने तथ्य प्रमाणित गरिसकेकाे भए पनि समाज अझै पनि अन्धबिश्वास्मा रहेको अबस्थामा अन्धबिश्वास र भ्रम चिर्ने उद्देश्यले विज्ञान शिक्षकहरुकाे संस्थाले  सो कार्यक्रम गरेको हो ।

कोरोना महामारीको जोखिमलाई समेत मध्यनजर गर्दै ग्लोबस, मार्क्स र सेनिटाइजरको प्रयोग गरी सुरक्षित रुपमा मोरङको गोदावरी बिद्या मन्दिरमा  सुर्य ग्रहण अवलोकन कार्यक्रम गरेको हो । स्टान का प्रदेश १ संयोजक अभय लिम्बुको अध्यक्षतामा र प्रदेश सांसद माननीय राजकुमार ओझाको प्रमुख आतिथ्यमा कार्यक्रम सम्पन्न भएको हो ।

कार्यक्रममा एशोसिएसनका केन्द्रीय सुचना बिभाग प्रमुख डम्बरुप्रसाद पोखरेल, प्रदेश सह संयोजक विश्वराज गौतम र बेलबारी ईलाका प्रहरी कार्यालयका सहि महेन्द्र पराजुली लगायतको आतिथ्यता थियो । कार्यक्रममा बिज्ञान बिषयका क्षिक्षक लगायत विभिन्न संंघ संस्थाका प्रतिनिधि, विद्यार्थी र संचारकर्मीहरुको पनि उपस्थिति थियो ।

कार्यक्रममा बोल्दै सांसद ओझाले युवा बैज्ञानिकहरुले  एकजुट भई संस्थागत रुपमा खोज, आविष्कार र अनुसन्धानमा लागेमा यस क्षेत्रको बिकास र उन्नतिको निम्ति राज्यको तर्फबाट लगानी गर्न आफुले पहल गर्ने बताए ।

युवा वैज्ञानिकहरुको निम्ति अनुसन्धान एवम् आविष्कार केन्द्रको माग आफुले प्रदेश सभामा समेत राखेको र सोही मागलाई मध्यनजर गर्दै प्रदेश सरकारको यस बर्ष प्रस्तुत नीति तथा कार्यक्रममा उक्त विषय समेत परेको जानकारी दिए ।

स्टानकान प्रदेश न. १ का संयाेजक अभय लिम्बूले अाफूहरु हरेक विद्यालयमा नभए पनि जिल्लामा कम्तिमा एउटा आविस्कार केन्द्रकाे स्थापना गर्ने गरी अघि वढेकाे बताए ।

लामाे समयसम्म विज्ञान विषयकाे शिक्षण गरेर हालसालै निवृत जीवन विताईरहेका शिक्षक फणिन्द्र निराैलाले याे कार्यक्रमले ग्रहणबारे भ्रम चिर्ने काम गरेकाे बताए ।