बेलबारी नगरपालिकाले सञ्चालनमा ल्यायो शव वाहन पनि

‍‍‍मोरङको बेलबारी नगरपालिकाले बीस  लाखभन्दा बढी खर्चेर शव वाहन सञ्चालनमा ल्याएको छ ।
यसअघि बारुणयन्त्र  सञ्चालन गर्दै आएकोले नगरपालिकाले प्र.१- ०२-००१- झ ०७२१ नम्बरको शव  बाहन पनि  सञ्चालनमा ल्याएको हो । ‘घरदेखि घाटसम्म’ भन्ने नारासहित संचालन भएको शव बाहनले शब बोके बापत पैसा लाग्दैन ।

शव वाहन चालक रअन्य कर्मचारी र उनीहरूलाई तलव भत्ताको व्यवस्था नगरपालिकाले नै गर्नेछ ।  शव बोक्दाको सबै खर्च नगरपालिकाले नै बेहोर्ने बेलबारी नगरपालिका ३ का वडाध्यक्ष तथा नगरपालिका प्रबक्ता योगेन्द्र सुवेदीले बताए ।                     शब वाहन आवश्यक परे ०२१-४३४२१३ मा सम्पर्क गर्न सकिने नगरपालिकाले जनाएको छ । शव बाहन सञ्चालनपछि अब नगरबासीहरुले अत्याबश्यक सेवाका लागि छिमेकी पालिकासँग गुहार माग्नुपर्ने बाध्यता हटेको छ ।                         अन्य संघ संस्थाले सब बाहनबाट शवलाई घाट सम्म पु¥याए बापत आठ दस हजार रुपैयाँसम्म पैसा लिने गरेका छन् ।
त्यसो त धेरै बर्षअघि तत्कालीन बेलबारी गाविसले एम्बुलेन्स समेत खरिद गरेको थियो । तर दुर्घटनामा परी क्षतबिक्षत भएपछि  थला परेेको एम्बुलेन्स हालसम्म पनि बेलबारी नगरपालिका परिसरमै कवाडी बनेर थन्किएको छ ।