ताजा अपडेट
घुस लिएको आरोपमा सुन्दरहरैंचा न.पा.का लेखा अधिकृत पक्राउ
Uttari Morang
शनिबार, आषाढ २३, २०८०
अख्तियार दुरुपयोग अनुसन्धान आयोगले मोरङको सुन्दरहरैंचा नगरपालिकाका लेखा अधिकृतलाई घुस लिएको आरोपमा पक्राउ गरेको छ ।
आयोगको इटहरी कार्यालयबाट खटिएको टोलीले शुक्रबार लेखा अधिकृत शेखर ढकाललाई कार्यालयबाट नै पक्राउ गरेको हो । अख्तियारको टोलीले उनलाई दुई लाख घुससहित रंगेहात पक्राउ गरेको जनाएको छ ।
शुक्रबार आयोगको टोलीले लेखा शाखाको ढोका बन्द गरेर अन्य कागजात समेत नियन्त्रणमा लिएको थियो ।
ढकालले नगरपालिकाका विभिन्न मर्मत सम्भार कार्यको भुक्तानी प्रयोजनका लागि सेवाग्राहीसँग २ लाख रुपैयाँ घुस लिइसकेको अवस्थामा अख्तियारको टोलीले पक्राउ गरेको स्रोतले बताएको छ । उनीमाथि अनुसन्धान भइरहेको आयोगले जनाएको छ।
