बेलबारी नगरपालिकाका मेयरसहित पाँच पालिका प्रमूखहरु सम्मानित

सातौं सामाजिक सुरक्षा दिवसका अवसरमा बेलबारी नगरपालिकाका मेयरसहित पाँच पालिका प्रमूखहरु सम्मानित भएका छन् ।
प्रधानमन्त्री केपी शर्मा ओलीले उनीहरुलाइ सम्मानित गरेका छन् । सम्मानित स्थानीय तहका प्रमुखहरूमा बेलबारी नगरपालिकाका प्रमुख दिलप्रसाद राई, सुन्दरहरैँचा नगरपालिकाका प्रमुख केदारप्रसाद गुरागाईं, स्याङ्जाको फेदीखोला गाउँपालिकाका अध्यक्ष घनश्याम सुवेदी, मकवानपुरको भीमफेदी गाउँपालिकाका अध्यक्ष हृदम लामा र बर्दियाको बाँसगढी नगरपालिकाका प्रमुख खड्गबहादुर खड्का रहेका छन् ।
अनौपचारिक क्षेत्रका श्रमिकहरूलाई सामाजिक सुरक्षा कोषमा समावेश गर्न थालनी गरेको योगदानका आधारमा उनीहरूलाई सम्मानित गरिएको हो ।
सातौं सामाजिक सुरक्षा दिवसका अवसरमा बोल्दै प्रधानमन्त्री केपी शर्मा ओलीले सामाजिक सुरक्षा कार्यक्रम आफनै कार्यकालमा शुरु भएको र हालसम्म १७ लाख ९७ हजार श्रमिकहरू यस योजनामा आबद्ध भइसकेको बताए । आगामी दिनमा ६० लाख मजदुरलाई सामाजिक सुरक्षा काषमा समेट्ने लक्ष्य रहेको पूधानमन्बी ओलीको भनाइ छ ।