विभिन्न खेलकुद कार्यक्रमसहित सुकुना स्पोट्स मिट २०८१ सम्पन्न

सुकुना माविको ५३ औं बार्षिकोत्सव तथा अविभावक दिवसको अबसरमा आयोजित सुकुना स्पोट्स मिट २०८१ विभिन्न खेलकुद कार्यक्रमसहित सम्पन्न भएको छ ।
बार्षिकोत्सवको अबसरमा मंसिर २७ देखि ३० गतेसम्म विद्यार्थीहरुबिच एथलेटिक्स, फुटबल भलिबल र क्रिकेट प्रतियोगिता सम्पन्न भएका हुन् । फुटबल खेल अन्तरगत गल्स फुटबलमा म्यानेजमेन्टको टीम बिजयी भएको छ । त्यसैगरी ब्वाइज फुटबलमा ब्यबस्थापन ए टीम बिजयी भएको छ । गल्स भलिबलतर्फ होटल म्यानेजमेण्टको टीम बिजयी भएको छ । क्रिकेटमा प्लस टु को टीमलाइ पराजित गर्दै कक्षा ९ र १० को टीम बिजयी भएको छ । त्यसैगरी बिवाहित र अविवाहित शिक्षकहरु बिच आइतबार भएको मैत्रीपुर्ण फुटबल  खेलमा बिवाहित टोली ४-१ गोलले बिजयी भएको छ ।
स्पोर्ट्स मिट अन्तरगत निबन्ध, बादबिबाद, हाजिरीजवाफ चित्रलेखन, हस्तलेखन आदि प्रतियोगिता पनि सम्पन्न भएको र सुकुना स्पोट्स प्रतियोगितामा ६ सय गोल्ड, ६ सय सिल्बर र ६ सय र क्रन्च ६ सय गरी १८ सय मेडल बितरण गरिएको १६ सयभन्दा बढी विद्यार्थीहरु सहभागी भएको सुकना माविका सहायक प्रधानाध्यापक राजेन्द्र गिरीले बताए ।
विद्यालयले सोमबार अर्थात आज ५३ औ बार्षिककोत्सव तथा अभिभावक दिवस मनाउँदैछ । कोशी प्रदेशका मुख्यमन्त्री हिक्मत कुमार कार्कीको प्रमुख आतिथ्यतामा सोमबार ५३ औ बार्षिककोत्सव तथा अभिभावक दिवस मनाउन लागिएको हो ।
बार्षिकोत्सव अन्तरगत सोमबार बिहान रक्तदान कार्यक्रम हुनेछ । त्यसैगरी बिद्यालयको बार्षिक प्रतिवेदन प्रस्तुती, अक्षयकोष छात्रवृत्ति वितरण, पुरस्कार वितरण तथा सम्मान कार्यक्रम तथा बिद्यालयको ३ कोठे शैक्षिक भवन उद्घाटन गर्ने कार्यक्रम रहेको गिरीले बताए ।
बार्षिकोत्सव कार्यक्रममा बिज्ञान तथा प्रविधि प्रदशनी र अन्य विविध सास्कृतिक कार्यक्रमहरु पनि रहेको सहायक प्रधानाध्यापक गिरीले जानकारी दिए ।
कोशी प्रदेशकै ठूलो र सामुदायिक स्कुलहरुमध्ये नेपालकै चौथो, नमूना विद्यालयको रूपमा रहेकोे शैक्षिक संस्था सुकुना माविमा कक्षा १२ सम्म पढाइ हुने गरेको छ । विद्यालयमा हाल हाल ४ हजार २ सय जना विद्यार्थी अध्ययनरत  छन् ।