मोरङमा २१ हजार घुुस सहित अख्तियारको फन्दामा परे वडाध्यक्ष

सेवाग्राहीबाट घुस लिंँदा लिदै मोरङ जहदा गाउँपालिका १ का का.वा. वडा अध्यक्ष उमेशकुमार साह पक्राउ परेका छन् ।

अख्तियार अनुन्धान आयोग प्रदेश १ कार्यालय इटहरीको टोलीले साहलाई २१ हजार घुस सहित वडा कार्यालय भित्रैबाट रंगेहात मंगलबार पक्राउ गरेको हो । सडक स्तरोन्नतीका लागि दुई लाख रुपैयाँको योजना सम्झौता गर्ने क्रममा साहले घुस मागेको आयोग इटहरीका प्रवक्ता ज्ञानेन्द्र ढकालले बताए ।

एक दिन ढिलो मंगलबार सम्झौता गर्न आएको भन्दै साहले माग गरेको २० हजारमा एक हजार थप गरेर २१ हजार रुपैयाँ माग गरेको पुष्टि भएको प्रवक्ता ढकालले बताए ।

वडा अध्यक्ष प्रदीप यादव हत्या अभियोगमा लामो समयदेखि फरार छन् । विराटनगर महानगरपालिका–१४ का समानन्द मण्डलको गत जेठ ३२ गते गरिएको कुटपिटका कारण असार २७ गते मृत्यु भएको घटनामा  मुछिएका कारण प्रदीप फरार भएका हुन् ।