ताजा अपडेट
भारतलाइ पराजित गर्दै नेपाल महिला साफ च्याम्पियनसिपको फाइनलमा
Uttari Morang
शुक्रबार, भाद्र ३१, २०७९
नेपाल छैटौं महिला साफ च्याम्पियन सिपको फाइनलमा पुगेको छ ।
शुक्रबार त्रिपुरेश्वरस्थित दशरथ रंगशालामा भएको सेमिफाइनल खेलमा भारतलाई १-० गोलले पराजित गर्दै नेपाल फाइनलमा पुगेको हो।
नेपालका लागि रश्मीकुमारी घिसिङले निर्णायक गोल गरेकी थिइन् । पहिलो हाफको इन्जुरी समयमा प्रीति राईको पासमा रश्मिले गोल गरेकी थिइन् ।
पहिलो सेमिफाइनलमा भुटानलाई ८- ० ले पराजित गर्दै बङ्गलादेश फाइनलमा प्रवेश गरिसकेको छ ।
सोमबार हुने फाइनलमा नेपाल र बंगलादेश भिड्नेछन् । महिला साफको इतिहास भारतमाथि नेपालको यो पहिलो ऐतिहासिक जित हो ।
